Matoky Anao, ‘lay Tompo sy Andriamanitro aho
Ka mialoka Aminao tsy manana ahiahy
Misaotra Anao mpanome ny soan'ny lanitra
Tsy asoloko ireo raha izao tontolo izao
Matoky Anao, ‘lay Tompo sy Andriamanitro aho
Manolo-tsaina hahaizako ny làlako
Matoky Anao na dia miafy sy miaritra
Izay làlana izay efa novantaninao
Matoky Anao na dia sarotra fantarina
Ny fihevitrao sy ny fitarihanao
Matoky Anao ilay Tsitoha mpanao ny marina
Be indrafo, Rain’ny fiadanana
Matoa mbola toa izao aho dia ny fahasoavanao
No miahy sy mitahiry ka mitaiza fanahy
Afoiko ho anao tsy mba hofihiniko
'Zay rehetra momba ahy
Dia Anao mpamonjiko
Matoky Anao mpihevitra isan’andro ny amiko
Mandinika ny voa, ny saina sy ny fo
Ny andro sy ny aiko, tsisy ahy ireo fa nindramiko
Afoiko anao koa hitoriako ny asanao
Matoky Anao 'lay mpiandry lehibe Tsitoha
Fiarova-manodidina ahy ny tànanao
Miandrandra Anao isan’alina isan’andro koa
Ny fanahiako dia eo ampela-tànanao
Matoky Anao na dia sarotra fantarina
Ny fihevitrao sy ny fitarihanao
Matoky Anao ilay Tsitoha mpanao ny marina
Be indrafo Rain’ny fiadanana
Matoa mbola toa izao aho dia ny fahasoavanao
No miahy sy mitahiry ka mitaiza fanahy
Afoiko ho Anao tsy mba hofihiniko
'Zay rehetra momba ahy
Dia Anao mpamonjiko
